ގަލޮޅު އުތުރު
މާލޭގެ އުތުރުފަރާތު މެދުން އިރަށް ވަކި ހިސާބެއްގައި އާނުގަނޑެއް އޮންނަކަމަށްވެއެވެ. މިއާނުގަނޑަކީ ގިރާކުރަންޖެހޭ ގަލުން އޮތް އޮޅިއެއްކަމުން މި އާނުގަނޑަށް ގަލުއޮޅި ކިޔާކަމަށްވެއެވެ. މިގަލުއޮޅިއާ ހިސާބު އާބާދު ވަމުންގޮސް މީހުންއުޅޭ ހިސާބު ގަނޑަކަށް ވުމަށްފަހު މިތަނަށް ގަލުއޮޅިއާ ގުޅޭގޮތުން ގަލޮޅު މިނަމަށް ބަދަލުވެގެން ދިޔައީ ކަމަށްވެއެވެ. މާލޭގެ އުތުރުފަރާތުއޮތް ގަލުއޮޅި ދެ ގޮތްޕަށް ބަދަލުވެ އެދެގޮތްޕަށް ހުޅަނގަށް ދެމިފަވާކަމަށްވެއެވެ. މިދެބައި ދެމިފަވާތަނުން އޮޑިދޯނި ނިކުމެއުޅޭ ކަމަށްވެސް ބުނެއުޅުނެވެ. ދެމަގުހުރަސްވެ ބުރަފަތިވާތަންތަނަށް މިހާރުވެސް ހަތަރު އަނގޮޅިމެދު ކިޔާއުޅެއެވެ. ކުރީ ޒަމާނު ދިވެހިރާއްޖޭގެ އާދަކާދައިގެ ގޮތުން ވައިމަތި ކަމަށްބަލަނީ ހުޅަނގުފަރާތެވެ. ގަލޮޅު އުތުރު ދާއިރާ އަކީ ރައްޔިތުންގެ މަޖިލީހުގެ 93 ދާއިރާގެ ތެރެއިން މާލެ ސިޓީ ގައި ހިމެނޭ ދާއިރާ އެކެވެ. މި ދާއިރާ އުފެދުނީ 2008 ވަނަ އަހަރުގެ ޤާނޫނުއަސާސީ އާ އެކު ގެނެވުނު އިންތިޚާބީ ދާއިރާތަކުގެ އާ އޮނިގަނޑުގެ ތެރެއިންނެވެ. އޭގެ ކުރިން މާލެ ތަމްސީލު ކުރީ އެޓް-ލާޖް ގޮނޑިތަކުންނެވެ. 2009 ވަނަ އަހަރު ބޭއްވި ފުރަތަމަ މަލްޓި-ޕާޓީ މަޖިލިސް އިންތިޚާބުން ފެށިގެން މި ދާއިރާ ވަކި ގޮނޑިއެއްގެ ގޮތުގައި ވާދަ ކުރެވެމުން ދެއެވެ.
